Corpus Van Reenen-Mulder (CRM14): Oorkonde K325p33902

WJ scepene_ van Ru_ste van buten vrieheiden ghemeinlech Maken Cont En_ kinlech allen den ghene_ die dese lett_en zien zelen En_ hoeren lesen / Dat Comen Es vore ons in p_p__en p_soene Mathijs gheheten van + den dyke_ En_ kinde en_ liede dat hi v_cocht heft wettelech en_ Redenlech Gillise gheheten den pest_e Sesse pont siaers paieme_ts Erfelech en_ Emm_meer staende alle jaere te gheuene En_ te geldene de Ene heeleft van dien vorgenoe_den Cheinse tallen sente jans dage_ baptiste in midden~Som_e En_ de and_e heeleft tallen kerssauo_den altoes naest vorgende En_ altoes alselc paieme_t alse te dien dage_ ghemeinlech in borse gaet Gillise den pest_e vorgenoe_t ochte den ghene_ die dese lett_en brachte welken vorgenoe_den Erfeleken Cheins Mathijs van + den dyke_ vorgenoe_t bezet heft En_ bewijst ghelijch dat En vonnesse wijsde op Terdendeel van drien boinren lants jn jans s_ danijs lant ghelege_ in heyendonch ongedeilt in den Esch ghelijch dat mathise van + den dyke vorgenoe_t verstaerf van ver leysen s_ danijs Siere ouder~moeder En_ op En vierdendeel lants ghelege_ in heiendo_ch neven (onleesbaar) (onleesbaar) lant in deen zide En_ jan weins lant in dand_ zide / Waer bi dat mathijs van den dycke vorgenoe_t hier toe heft ghedaen alle dat hi + re sculdech toe was te doene met maennessen des Rechters diere sculdech op was te maenne En_ bi wijsdoeme van ons scepene_ vorgenoe_t En_ ware dat sake dat gillise den pest_e vorgenoe_t ochte de_ bring_e van deser lett_en iet ghebrake alse van dien vorgenoe_den Erfeleken Cheinse ten vorgenoe_den dage_ Soe soude_ si hare hant moge_ slaen ane haren vorgenoe_den bezette_ En_ bewijsden pant in alle diere maniere_ ghelijch dat En vo_nesse wisen soude . En_ omme~dat wj scepene_ vorgenoe_t ghemeinlech hier ou_ En_ mede ware_ Soe hebbe_ wj dese lett_en bezegelt met onsen ghemeine_ Segle Jn kinnessen der waerheit Dit was ghedaen int Jaer ons h_en doe men screef . M . + CCC . + En_ Negene En_ derttech Sondages na sente Niclaus dach . . .