Corpus Van Reenen-Mulder (CRM14): Oorkonde K325p35901

Wi scepene van Rumste van binne_ vrijheiden . Maken cont alle den ghene_ die dese lett_e selen zien en_ horen leze_ . dat q_m vore ons jacob die me_ heet e?kart verl?de en bekende / dat hi heeft v_cocht . enen oude_ scilt goet van goude ende gherecht van ghewichte / Ombe ene summe van penighe_ de~welke hi v_lide dat he_ wettelec betaelt es en_ v_gouden / janne die men heet grote jan / erflec staende en_ durende Alle jare te kersauonde te heffene janne vorseit ochte sire wettegher oere Ende desen vorseiden scilt heeft jacob voreghen_ / janne voreghscreue_ bewijst beset en_ v_pand . op drie virendeel bunres winnens land? ghelijc dat ghelege_ es ten (onleesbaar) vore jans sberen in ene_ bloke en_ dat ghehete_ es bollards ach? welke lant jacob vorseit tughede vore ons co_merloes ware sond_ van ther_ cheise En_ hier toe es ghesciet / bi mani_ghen des Rechters / En_ bi wijsdo_me van ons scepene voreghen_ alle dat vonnesse en_ recht wijsde En~ghe_ poent van rechte acht_~ghelate_ en volscide / En_ waert dat janne vorseit ochte sine_ wetteghe_ nacomelinghen iet ghebrake van + den vorseiden scilde / dat si niet betaelt en ware_ ten daghe dat voreghesproke_ es / so mach jan vorseit ochte sine wetteghe oere / hare hant slaen ane dat voreghescreuene la_t altoes bi den h_e na den vonnesse En_ die costume van den lande / Ende omme~dat dit waer es ent vore ons aldus ghesciede heb + wijt scepene_ vorseit ombe de bede van beide_ vorseide_ p_thie_ bezeghelt met onsen ghemeine_ zeghele in kennessen der w_heit behoudelec altoes des heren rechte jnt jaer ons h_en doe + me_ screef . M . + ccc . + en_ lix . in onser vrouwe_ dage assumptien