Corpus Van Reenen-Mulder (CRM14): Oorkonde K351a31601

Allen den ghenen die dese letteren sel sien ochte horen , Jan bi + der ghehikenessen ons Heren , abdt van Averbode , van + der ordenen van Premonstreit , saluut ende kinesse der waerheit . Wi doen cont dat wi hebben ghehoert , ghesien ende ghelesen eenen chartre eens edels mans mijns her Heinrics Berthauts , here van Duffle ende van Gheele , ridders , onghecancelleert , onghefalseert , nochte in ghene manieren ghearghert , van welken chartre die tenuer ende begrijp van worde te worde hier na bescreven es in der manieren die hier nu volght . (-) (-) (-) Ende wi Jan , abt van Averbode voerghenoemt , want wi den vorghenoemden chartre volcomenlike hebben ghesien , hebben wi onsen seghel ane dese letteren ghehanghen in orcontscapen der waerheit . Dit was ghegheven ende ghesciet int jaer ons Heren dusentech drie + hondert ende sestiene , op den dondersdach na octave der apostele sente Peters ende sente Pauwels .