Corpus Van Reenen-Mulder (CRM14): Oorkonde K351a31602

Allen den ghenen die dese letteren selen sien ochte horen , Jan bi + der godliker ghehinkenissen abt van Averbode , van + der ordenen van Premonstreit , saluut ende kinesse der waerheit . Wi doen u cont dat wi hebben ghehoert , ghesien ende ghelesen eenen chartre eens edels mans der Heinrycs Berthauts , here van Duffele ende van Gheele , ridders onghecancelleert , onghefalseert , nochte in gheene manieren ghearghert , van welken chartre die tenuer ende tbegrijp van worde te worde hier na bescreven es in der manieren die hier nu volght . (-) (-) (-) Ende wi abt van Averbode voerghenoemt , want wi den vorghenoemden chartre volcomelike hebben ghesien , hebben wi onsen seghel ane dese letteren ghehanghen in orcontscapen der waerheit . Dit was ghegheven ende ghesciet int jaer ons Heren dusentech drie hondert ende sestiene , op den dondersdach na sente Peters ende sente Pauwels der apostele octave .