Corpus Van Reenen-Mulder (CRM14): Oorkonde K358p34901

Wi godevaert hillen ond_voecht des greve_ va_ loen / godevaert maye meyere / goswijn va_ ro_m__shove_ / johan san_en sone / wout_ boegaert / dideric voere_ sanne_ / en_ pet_ va_ affenb_ghe gheswore_ laete joncvrouwen marien va_ d_ meynartshove_ te beringhe_ doen cont alle_ den ghene_ die desen brief sien soelen ochte hore_ lesen / dat voere ons come_ es in p_pren p_soene / arnout die m_ heit quaedsiele / en_ bekende dat hi v_cocht heet johan_e die m_ heit pitansi~meest_ va_ herke_rode / ene_ guldene_ hellinc ochte de werde daer af in andre_ paymi_te erftsijs in sinte remeis daghe erfelike jaerlijcs en_ omm_meer te vergeldene / en_ binne_ de_ cloester va_ herke_rode te betaelne / omme ene sum_e gels die he_ wettelike en_ al~te~maele betaelt es en_ wel v_goude_ alse hi selver liet / voer welke_ guldene_ hellinc vorgheseit die voerghenoe_de arnout / heet gheset tond_pande den voerghenoe_den johan_e / sine huesinghe temaele mette_ hove / en_ mettien dat daer toe hoert alsoe alst gheleghe_ es in die volre~strate / op ene side bi de_ hof here_ diderics p_soens va_ beringhe_ / en_ anders tussche_ de beke en_ de ghemeyne straete . en_ heeftene daer binne_ ghegoet en_ daer toe ghedaen al~soe ghelijc alse mer sculdech es te doene met menisse met ghichte_ / met ban_e / en_ met von_isse alse onse hof te rechte heet behoudelec alre~ma_lijcs recht / Met deser voerwarde_ were dat sake dat die voerghenoe_de arnout nochte sine naecoemelinghe te desen voerghesprokene daghe / de_ voerghenoe_den johan_e ochte bre_gh__e des briefs dese_ voerghenoe_den gulde_ hellinc niet en v_gulde_ nocht en betaelden / dat dan d_ voerghenoe_de joha_ ochte brengh_e des sine hant ane desen voerghenoe_den ond_pant slaen sal en_ daer toe vaen / alsoe onse hof wisen sal / en_ dan mach hi johan ochte brengh_e des briefs sine_ wille daer mede doen / ghelijc dat hi mach doen met andren sine_ p_pren erve_ / voertmeer heeft gheloeft voer ons die selve joha_ w_e dat sake dat heme dese ond_pant in die hant viele / en_ dat hire toe queme / dat hi alleweghe soude sette_ ene_ laet i_ onsen hof / die met ons soude gelden scot en_ lot / cromp en_ recht ghelijc andre_ onsen ghebure_ Voertmeer heet voer ons gheliet die selve arnout / dat onser vrouwe_ gulde va_ beringhe_ heet te~voeren ane desen ond_pant vive oude groete jaerlijcs / En_ wa_t wi ond_voecht / meyere / en_ laete voerbescreven en~ghe_en sighel en hebbe_ / so bidde wi ene_ eersame_ man en_ wel gheboere_ / willem_e va_ d_ Meynartshove_ erf~sone ghebore_ tot dese goede dat hi voer ons sine_ sighel ane desen brief hanghe_ wille i_ ghetughenisse d_ waerheit / En_ ic wille_ va_ d_ meynartshove_ voere~bescreve_ omme bede_ wille mijnre liev_ laete en_ oec beide d_ p_tien so hebbic minen sighel ane desen brief doen hanghen i_ orcunde d_ waerheit d_ dinghe die bove_ ghescreve_ sijn . Ghegeve_ in jaer d_ gheboerte_ ons heren doen mer screef dusentech drie hondertech / + en_ neghene en_ viertech / des anders daechs van aprille . - - -