Corpus Van Reenen-Mulder (CRM14): Oorkonde K358p39001

Wij Machiel peerman . vastraert van Ned_rode . Jan knexken Jan van meuwen . Arnout van ev_sele Reyner van + den perre en_ Arnout walscaert . scepenen der vryheyt van beringhen / doen cont allen l˚den die desen open_ brief sien suelen en_ horen lesen . Dat voer ons comen siin besceyden liede Peter bet . als mo_boer des Cloesters van herkenrode en_ in + den name des cloesters op deen side Ende Jan van + den lare knaep van wapenen op dander side . Ende die voerscreven Jan kende en_ lijde . dat hi een von_isse verloren hadde voer den Abt van sinte Jacobs te ludic daer si voer dingden . als van . vijf . guldene_ en_ ene_ halven guldene_ . die hi Jan meende dat lijftocht were en_ niet erfenisse . Des es hi Jan van + den lare voersc_ Comen voer ons scepene_ voersc_ . en_ heet ghekent ende kent dat die . vijf . gulden en_ enen halven . voersc_ siin erflec des cloesters ende niet lijftocht . dats te wetene die . vijf guldene en_ ene_ halven gulden erf~cijs die vercocht hadde heynric haengreve . der joncfrouwen van papenbroec en_ den jonfrouwen van Colen . Ende om_e beeden wille beyder p_tien . soe hebbe wij onsen properen zeghel aen desen brief ghehanghen . jn enen ghetughenisse der waerheyt der dinghen boven~ghescreven . . Gheg_ jnt jaer der gheboerten ons heren doe men screef . Dusentich . + drie + hondert . + Neghentich en_ een des anders daechs nae alre kinder dach