Corpus Van Reenen-Mulder (CRM14): Oorkonde K523r39101

@ @ Alle den ghenen die dezen brief zellen zien of horen lezen . doe ic v_staen Coen van + den da_me / Scoute in lopic / in + des greuen gherechte @ van bolloys dat hi van + den h_en van zinte Marien Tutrecht in pachte heeft / dat voer mi en_ voer die lantghenoten en_ buere die hijrbeneden bescreuen staen quam jnt gherechte / dirc ockers zoen . Ende gaf mit zinen vryen wille / willam riem borgher @ Tutrecht / den vryen eyghendom / van dreen morghen lants / en_ den erfpacht van enen morghen lants / op vier pont siaers @ also alse die vier morghen lants voerscreuen ? gheleghen ziin / in + den voerzeyden gherechte / daer dircs erfnamen @ van houdaen / bouen naest ghelant ziin / en_ die heren ? zinte Marien Tutrecht / beneden . / Ende verteech daer of tot @ willam Riems behoef vorghenoe_t / alze recht en_ ordele wijsde / dat hi sculdich was te + doen endet mitten rechte stadicheyt hebben zel @ hijr waren ouer en_ ane daer dit ghesciede / dirc haghen daem ghizebrechts zoen / dirc van + den zijl / herman volqwiins zoen / lantghenoten en_ buere / in + den gherechte voerscreuen / en_ anders veel goeder lude / . . Ende op~dat dit vaste en_ stade bliue / zo hebben wi @ Coen van + den da_me Scoute / dirc haghen / daem ghizebrechts zoen / en_ dirc van + den zijl vorghenoe_de / onze zeghelle aen dezen brief ghe-daen tenen orconde / voer ons seluen / en_ ouer herman volqwiins zoen voerzeyt / om zire bede wille / En_ want ic herman volqwiins @ zoen voerscreuen / op deze tijd selue ghenen zeghel en hebbe / zo orconde ic dit en_ tughe onder dezer vorghenoe_der zeghelle / en_ @ hebbe hem ghebeden dezen brief mede ouer mi te + beseghellen / ghegheuen jnt jaer ons h_en duzent + / dre + hond_t + / een en_ tneghentich des woens-daghes voer zinte katrinen dach .