Corpus Van Reenen-Mulder (CRM14): Oorkonde K523r39601

@ @ Alle den ghenen die desen brief sellen sien of horen lesen Doe jc verstaen Coen van + den damme scoute in lopic Dat voer mi voer de lantghenoten en_ voer @ de bure de hier na bescreuen staen ghecomen is jnt + gherechte willam-e van nesse ende begheerde eens oerdels van ons of de viertel lants also alse gheleghen is in den voerscreuen gherechte daer dyric van + den siil boven naest ghelant is en_ gheriit de bole-e van eemskerc beneden also vry ende also los siin waer @ en_ is dat hi die vrilike mochte vercopen of wechgheven versetten of versellen en_ enen vryen eyghendom daer of gheven mochte vrilic wien hi woude ende @ hem wert toeghewiist mit rechte en_ mit oerdele dat hiit wel doen mochte ente ghifte ente eyghendom mitten rechte stedicheyt hebben zoude Doe dat ghedaen @ was doe gaf willam van nesse voerseyt mit sinen vrien wille alse recht en_ oerdel wiisde dat hi sculdich was te + doen Tyman van scerpenborch borgher @ tutrecht enen vryen eyghendom van + der viertel lants voerscreuen egghen en_ eynden mit al horen toebehoren also si gheleghen is en_ hier voer bescreuen en_ bepaelt staet Ende verteech mede daer of ende claerlic van al rechts ende toesegghens dat hi hadde an + der viertel lants voerscreuen tot @ behoef tymans van scerpenborch voerscreuen alse recht ende oerdel wiisde dat hi sculdich was te + doen endet mitten rechte stedicheyt hebben sel Mede @ so is ons kenliken dat gheriit van Eemkerc heer van liesvelt voertiits in + den voerscreuen gherechte quiit~ghescouden heeft tot behoef willams van nesse @ voerscr_ al alzulke manscap en_ leen als willam voers_ van hem hielt alse van + der viertel lants voerscr_ en_ al rechts dat hi daer an had ten ewighen @ daghen hier waren ouer ende ane daer dit ghesciede johan van + der hoeve-e gheriits soen johan van + der hoeve eliaes soen jacob-e lambrechts soen ghisebrecht @ haesse boekels-e soen lantghenoten en_ bure in den gherechte voerscr_ en_ anders vele goeder lude Ende op~dat dit vast en_ stade bliue zo hebben wi Coen van + den @ damme Scoute johan van + der hoeve gheriits soen en_ johan van + der hoeve eliaes soen lantghenoten en_ bure voers_ onse seghellen an desen brief ghedaen van + des @ gherechts weghen en_ om bede wille der ander lantghenoten en_ bure voers_ tenen oerconde En_ wi jacob en_ ghisebrecht lantghenoten en_ bure voerseyt kennen ende @ tughen dit onder deser voerghenoemder seghellen en_ hebben hem ghebeden desen brief mede ouer ons te + beseghellen want wi hier mede ouer en_ ane waren @ daer dit ghesciede alst hier in bescreuen staet ghegheuen jnt iaer ons h_en dusent dre + hondert ses en_ tneghentich des manendaghes na pinxster~dach