Corpus Van Reenen-Mulder (CRM14): Oorkonde K524r39101

@ @ Alle den ghenen die desen brief zellen zien of horen lezen / . doe ic v_staen peter-e peters zoen / dat ic voer mi en_ voer @ miin erfnamen / in huerwere ontfanghen hebbe / van + den cureyten enten ghemenen ghezellen van buerkerke Tutrecht @ dre morghen lants / gheleghen tot orixoye int gherechte van jaersvelt / onderdeelt in zes morghen lants / daer iohan / van driel / dre morghen of toebehoren / daer yen kiindere van + der h˚ele bouen naest ghelant ziin / en_ daer ic @ zelue naeste ghelant bin / aen die neder~zide / Tot twalef jaren toe / gherekent van zinte peters misse ad Ca-thedram naest verleden / . Elx jaers om vierdehalue goede ghelresche gvlden / die int jaer van neghen en_ tach-tighen naest leden gheslaghen waren / of Payment dat daer ghoet voer is / in + der tijd der betalinghe binnen @ vtrecht / en_ om dre Capoene / Te + betalen en_ co_merloes te + leu_en binnen vtrecht / op minen cost anxt en_ arbeyt / die een @ helfte van + den ghelde mitten Capoenen / tot zinte Martiins misse in + den winter nv naest comende / en_ de ander helfte @ van + den ghelde tot zinte Peters misse ad Cathedram / daer naest comende / of binnen eenre Maent na elken termine @ voerzeyt onbegrepen / En_ also voert jaerlix deze voerzeyde twalef jaren wt . / Mit zulken vorwarden dat ic dit @ voerseyde lant verwaren zel / op minen cost / van allen ouden werke / en_ enich nywe werc / dat daer op viele / dat zel @ ic voer wtlegghen / en_ men zelt mi weder ofcorten / waer dat zake @ dat ic of miin erfnamen ofte nacomelinghen / die betalinghe des pachts / tot enighen voerseyden termine verzumeden @ zo vielen wi van dezer huerwere / en_ Claerliken van alle rechts en_ toezegghen / dat wi hadden an + den dreen morghen @ lants voorzeyt @ / en_ dat zelue lant coemt dan vry en_ ledich weder an den cureyten / enten ghezellen voerscreuen @ horen vryen wille daer mede te + doen / also verre alze zijt op~nemen willen / behoudelic hem nochtan al hoers verze-tens pachts / en_ dien pacht moeghen zi mi dan wtpanden / an allen minen reedsten goede / zo waer dat zijt vonden @ ghelike oft op horen voerseyden lande waer / mit alle bode verwonnen / ghelike oft mit volboden pande / en_ mit @ allen rechte veruolcht waer / zonder enich wederzegghen van mi of van minen nacomelinghen / alle archeyt wtghezet @ En_ op~dat dit vaste en_ stade bliue / zo heb ic ghebeden wernaer iohans zoen / dezen brief ouer mi te + bezeghellen / mit sinen @ zeghel / want ic op deze tijd selue ghenen zeghel en hebbe / En_ ic wernaer iohans zoen voerzeyt / hebbe om bede wille @ peter peters zoens vorghenoe_t / minen zeghel aen dezen brief ghedaen / Tenen orconde / ghegheuen jnt jaer ons @ h_en duzent + / dre + hond_t + / een en_ tneghentich / des zaterdaghes na ons h_en hemeluaerts dach .