Corpus Van Reenen-Mulder (CRM14): Oorkonde K524r39201

@ @ Alle den ghenen die desen brief sellen sien of horen lesen . Doe wi verstaen weernaer jans sone van ouersloet scout @ jn + den gherechte van jaersuelt / van h_en heinrics weghen van vyanen . roetaert lambrechts sone . roelof godeuaerts soen . @ + pelgriin aernts soen . roelof die koc . jan zoelnic . pelgriim van + der zootgraft en_ jan gherijts soen lantghenoten en_ buere @ jn + den gfherechte voerscr_ . Dat voer ons quam johan van dryele borgher tutrecht . Ende gaf melis van houweninghen @ Cost_ tot buerkerc in diere tiit . Tot behoef der Cureyten . Enter ghemeenre ghesellen tot buerkerc voerscreue_ @ Enen vryen eyghendoem met alle dien rechte alse lantghenoten / ende buere wiisden dat recht was / van drien mer-ghen lants so si gheleghen siin jn + den gherechte voerscr_ . Onderdeylt in een weer lands dat ses merghe_ hout / daer den @ Cureyten . enten ghemenen ghesellen van buerkerc voerscr_ . die ander drye merghe_ van dien voerseyden weer lands . @ + toe~behoren . aldaer yen kiinder van + der h˚ele bouen naest ghelant siin aen die een side Ende peter-e peters soen beneden @ naest ghelant is aen die ander side . Ende verteech daer op met allen rechte als hi sculdich was te doene / Tot behoef der @ Cureyten . Enter meenre gheselle_ van buerkerc voerscr_ . alse lantghenoten / en_ buere wiisden dat recht was sonder @ alrehande archeit . Jn kennissen der waerheit op~dat dit vast ende stade bliue so heb ic weernaer jans sone voerghen_ . @ + desen brief open bezeghelt met minen zeghel vans gherechts weghen als een scout / Ende want wi lantghenoten en_ @ buere voerscr_ . op dese tijt selue ghene zeghele en hebben . so hebbe wi ghebeden w_naer jans sone onsen scout voers_ @ desen brief met hem ouer ons te bezeghelen met sinen zeghel . Ende tughe_ dese voersscr_ vorwaerde onder sinen @ zeghel ghelikerwijs en_ in alle_ manieren of wien met hem bezeghelt hadden met ons selfs zeghelen . Ende om beden @ wille deser lantghenoten . ende buere voerscr_ . want si op dese tijt selue ghene zeghele en hebben . so heb ic weer-naer jans sone scout voerscr_ . desen brief met mi ouer hem bezeghelt met minen zeghel . tot eenre orconde . @ + Ghegheuen jnt jaer ons h_en Dusent + . Drie + hondert + / twe ende tneghentich . des sonnendaghes na sinte ser-uaes daghe , -