Corpus Van Reenen-Mulder (CRM14): Oorkonde K535r37001

@ @ Allen luden die desen brief zellen zien / of horen lezen / Doe jc verstaen Gherid van @ holland borgher Tutrecht / . . Scoute nv ter tijt / willems van der weyde / en_ wille_s @ van der meerne / aen den Ouden riin / en_ ke_ne mit desen brieue / Dat voer mi @ / en_ voer die lantghenoten / en_ bure_ hiir nae bescreuen / ghecomen siin jnt gherichte @ Hughe van bredae / borgher Tutrecht / en_ Elzebet siin wijf / die Claes dochter vter @ koken was / daer god die ziele af hebben moet / en_ gauen / en_ droghen op mit horen @ vrien wille / als die lantghenoten / en_ die bure_ wijsden dat recht was / den . . he_en @ van sente katherinen Tutrecht / tot hoerre Pitancie behoef / enen vrien eyghe_doem @ / dien her Thomas van doesborch . . hoer . . Scaffener ontfenc / tot hoerre behoef / als @ van der helft van vier marghen lands / onderdeelt / eggen / en_ eynden / alsoe als die @ gheleghen siin jn Heyencop jn den gherichte van den ouden riin / op~streckende va_ @ der riinwet_inghe totter nyer weteringhe / die midden doer heyencop gaet / daer @ w_ner vten gaerde / van der wederhelft den eyghendoem af hadde . Daer aen die zelue @ vier marghen lands naest gheland siin florens scade_ zoen van jutfaes / en_ Peter maech-leems erfname_ an die over~zide / en_ henric van langherake an die neder~zide / mit @ lande dat voertijts was des h_en van apcoude . Ende verteghen / mede / volcomelike @ op dit voerseide land / als recht wiisde dat si scoudich waren te doene . . Hiir ware_ @ over / en_ aen daer dit ghesciede op buerkerchof . . willem van der weyde / florens @ scade va_ jutfaes / florens van Palaes / en_ johan van alendorp / als lantghenoten / En_ @ anders vele goeder buerlude / . . Jn orconde dies briefs beseghelt mit minen zeghel @ . Ghegheuen jnt jaer ons h_en Dusent + . Dre + hond_t + / ende Tseuentich op sente Cecilien avond ~