Corpus Van Reenen-Mulder (CRM14): Oorkonde K537r39901

@ @ Alle den ghenen die desen brief Sullen sien jof ho_en lesen . Doe jc verstaen heynric willams soen richter tot scalcwiic van + des h_en weghen van Culenburch @ van + der lecke ende van + den waerde . dat voer mi voer die lantghenoten ende voer die büere die hiir nae bescreuen staen . ghecomen js jnt + gherichte johan van riebeke ende @ gheerde eens ordels jof die viertel lants die gheleghen leyt in + den gherichte van scalcwijc vürscr_ daer bouen naest ghelant js joncfrou jutte willams wijf van terwiic @ ende gherijt van terwijc mit enen onghesceyden eyghendom ende beneden nelle heynric ende heynric ghijsberts soens erfnamen daer jan van riebeke teghen den @ erfnamen twee kintsdeel in + ghecoft heeft . alsoe vry ende alsoe los siin waer dat hi die versetten versellen ende wechgheuen mach mit rechte dien hi woude ende @ hem wert toe~ghewijst dat hijt wel doen mocht mit rechte doen ghaf jan vürscr_ rechte~voert enen vrien eyghendom van + diere viertel lants vürscr_ @ heynric gherijt soen burgher tutrecht ende verteech daer nae vp claerliken van allen rechte ende toe~segghens dat hi hadde aen die viertel lants vürscr_ @ alse die lantghenoten ende büere wijsden dat rechte was . daer nae rechte~voert js ghecomen in + den seluen gherichte vürscr_ jan van riebeke ende gheerde @ eens ordels jof die twee kintsdeel die hi ghecoft heeft teghen heynric ghijsberts zoens erfnamen . gelijs . ende willam . heynrics brüederen vürscr_ die ghe-leghen legghen in eenre viertel lants mit ghemingder voer mit nelle heynrics . daer bouen naest ghelant js heynric gheriit soen burgher tutrecht @ ende beneden wessels erfnamen van euerdinghen alsoe vri ende alsoe los siin waren dat hi die versetten versellen ende wechgheuen mach mit rechte @ dien hi woude ende hem wert toe~ghewijst dat hijt wel doen mocht mit rechte doen ghaf jan vürscr_ rechte~voert enen vryen eyghendom van + dien @ lande vürs_ heynric gherijt soen bürgher tutrecht ende verteech daer nae vp claerliken van allen rechte ende toe~segghens dat hi hadde aen dien @ lande vurscr_ alse lantghenoten ende büere wijsden dat recht was . Daer nae siin ghecomen in + den seluen gherichte vürscr_ gheertruid gijsberts dochter @ ende fye van voern hüer suster heynric ghijsbert zoens erfnamen ende gheerden eens ordels hoe si aen voecht comen souden daer si stadicheyt mede @ doen mochten ten rechte ende hem wert toe~ghewijst dat si elc enen kiesen souden entie rechter souden hem weldighen . rechte~voert doen coren @ si elc enen voecht . alse recht was . doen gheerden si eens ordels mit hüeren gecoren voechte jof dien eyghendom dien si hadden in eenre viertel @ lants die gheleghen leyt mit ghemingder voer mit nelle heynrics daer bouen naest ghelant js heynric gheriit soen burgher tutrecht ende beneden wessels erfnamen van euerdinghen alsoe vri ende alsoe los hüer waren dat si @ versetten versellen ende wechgheuen moghen dien si wouden . ende hem @ wert toe~ghewijst dat sijt wel doen mochten mit rechte . Doen ghauen si rechte~voert enen vryen eyghendom van + dien eyghendom dien si hadden @ in + der viertel lants vurscr_ heynric gherijt soen burgher tutrecht ende verteghen daer nae vp claerliken van allen rechte ende toe~segghens @ dat si hadden aen dien eyghendom vürs_ alse die lantghenoten ende büere wijsden dat recht was . daer nae is ghecomen in + den seluen gherichte @ vürs_ alijt ghijsberts dochter heynric ghijsberts zoens erfnaem ende siin suster . mit ghijsbert hüer zoen . ende hüer gheboren voechte ende jutte @ hüer dochter ende gheerden eens ordels jof dien eyghendom dien si hadden in eenre viertel lants die gheleghen leyt in + den gherichte vürs_ @ mit gheminder voer mit nelle heynrics . daer bouen naest ghelant is heynric gheriits soen burgher tutrecht ende beneden wessels erfnamen @ van euerdinghen alsoe vri ende alsoe los hüer waren dat si die versetten versellen ende wech~gheuen moghen dien si wouden ende hem wert toe-ghewijst dat sijt wel doen mochten mit rechte . doen ghauen si rechte~voert enen vryen eyghendom . heynric gherijt soen burgher tutrecht . ende ver-teghen daer nae vp claerliken van allen recht ende toe~segghens dat si hadden aen dien eyghendom vürs_ alse recht was . Daer nae is ghecomen in + den sel-uen gherichte vürs_ . jan gherijt soen gheriit soen van voern . ende gheerde eens ordels jof + dien eyghendom dien @ hadde in eenre viertel lants gheleghen mit @ ghemingder voer mit nelle heynrics daer bouen naest ghelant is heynric gheriit soe_ burgher tutrecht ende beneden wessels erfnaem van ue_dinghen alsoe vri ende @ alsoe los siin waer dat hi die versetten versellen ende wech~gheuen mach mit recht dien hi woude en_ hem wert toe~ghewijst dat hijt wel doen mocht mit rechte @ doen ghaf hi rechte~voert dien eyghendom vürs_ heynric gheriit soen burgher tutrecht ende verteech daer nae vp @ claerlike van allen recht dat hi hadde aen dien @ eyghendom vürs_ alse lantghenoten ende büere wijsden dat recht was . Ende hiir waren ouer ende aen ouer alle dese punten vürs_ alse lantghenoten ende @ büere jan splinters soen heynric van riebeke ende anders vele ghoeder lude . Wij lantghenoten ende büere vürs_ orconden ende tughen onder des richters seghel @ vürscr_ dat wi hiir mede ouer ende aen waren daer dit ghesciede ende hebben hem mede ghebeden desen brief mede ouer ons te + beseghelen mit sinen seghel @ Ende went ic heynric willams soen vurscr_ hiir mede ouer ende aen hebbe gheweest daer dit ghesciede alse een richter van + des gherichts weghen ende mede @ om + bede wille der lantghenoten ende büere vurscr_ . Soe heb ic desen brief open beseghelt mit minen seghel tot eenre orconden van + des gherichts weghen @ Ghegheuen jnt jaer ons h_en dusent drie + hondert neghen ende tneghentich des vrydaghes nae meyyedach @ .