Corpus Van Reenen-Mulder (CRM14): Oorkonde K538r37701

@ @ Allen den ghenen die desen brief sullen sien of hoeren lesen / doe ic verstaen Johan brant knaepe dat ic ghehuert hebbe ende in Erfpacht ghenoemen hebbe ende @ neme mit desen openen brieue weder Ghijsebrecht van waelenborch Canonic ende scolaster ten doem Tutrecht voer mi ende voer minen rechten @ Erfghenaemen nae mi den achtendeel lands die hij tieghens mi ende tieghens minen wiue Gouden cofte gheleghen in + den middel~velde in + den kerspel van @ Coeten in + des domproefsts gherechte van vtrecht / ende mede den domproefst tynset / daer bouen naest ghelant sijn die heren van + den Doem Tutrecht @ ende vrederic die langhe beneden / alse dat achtendeel gheleghen is mit alle sinen toe~behoeren elx iaers om twijntich loet goets fijns Pures zuluers @ van + der wichte der stat van vtrecht of die weerde daer voer te betaelen ghijsebrecht van waelenborch voerscreuen of den ghenen daer hijt op bewijst @ die een helfte tsinte Mertens misse in + den wijnter ende die ander helft tsinte Peters misse ad Cathedram daer naest volghende ende alsoe voert alle iaer @ in + der stat van vtrecht vrijs ghelts op minen anxt ende cost sonder enigherhande afcortinghe van enighen saeken of ongheualle dat op desen lande @ coemen mach / Ende waert dat ic of mijn erfghenaeme nae mi dese twijntich loet suluers tot elken termine voerscreuen of binnen viertien + dae-ghen daer nae niet en betaelde / ende mede den tyns ende Mond~ghelt ende batghelt / ende alle onghelt dat op desen lande staet ende noch daer op @ vallen mocht tot elken daeghe als men die betaelen pleghet / alsoe datter Ghijsebrecht van waelenborch voerseyt scaede of quaeme of ghebrec @ soe velle ic ende mine erfghenaemen van allen recht dat hij mi aen desen lande gheuet of ghegheuen heeft / Behouden nochtan hem of den ghene_ @ dien hijt bewijsede aen mi ofte aen minen erfghenaemen nae mi wat hem ombraeke van sinen Pacht / ende wat scaede dat hij lede dat ic des @ tyns ofte Mond~ghelt ende batghelt ende alle onghelt nyet en betaelt en hadde tot hueren daeghen als men pleghet te betaelen / hem of den @ ghenen daer hijt op bewijsede / of vercofte of versellede tot huers selfs waerheyt / Voert sijnt vorwaerde dat ic ende mine erfghenaemen @ voerseyt niet verquaeden ofte verminren en sullen van enighen willighen of boemen of husinghe die daer nv op staen of daer op comen ten waer @ bij sinen wille . of der gheenre daer hijt bewijsede / mer altoes die hofstede ende dit lant voerseyt te beteren / Jn orconde des briefs soe hebbe @ ic johan brant voerscreuen ghebeden Claes den ridder desen brief ouer mi te beseghelen want ic op dese tijt selue ghene seghel en hebbe / Ende @ ic Claes die ridder voerscreuen om beden wille johan brants voerseyt soe hebbe ic desen brief open ouer hem beseghelt mit minen zeghel tot @ eenre orkonde der voerseydenre vorwaerden / ghegheuen int iaer ons heren dusent drie hondert seuen ende tseuentich des saterdaghes nae des @ sacraments dach . . . . . .