Corpus Van Reenen-Mulder (CRM14): Oorkonde K540r39501

@ @ Allen den ghene_ die desen brief zellen zien of hüeren lesen doe wij verstaen Otte süermont ians soen jutte ian süermonts docht_ dyrck @ van aemstel Gerborch zijn wijf en_ vranck heinrics soen / Dat wij kenne_ en_ ghien voir onss en_ voir onse erue_ Dat wij en~gheen @ recht noch toe~zeggen en hebben noch en behauden aen vier merghen landts . en_ zes en_ dertich roeden landts alsoe als die ghelegen @ zijn in + der maelscap van Ravenzwade daer boue_ naest gelant is jordaen ians roeden zoen en_ beneden naest gelandt is Otte die @ zwertte Van welken lande vürs_ onss . heinric van + den velde hermans soen wittelic en_ wael af voldaen heeft alsoe datt_ onss wael aen @ ghenüget En_ scelden hem daer claerliken quijt af Voert soe hebben wij geloeft en_ loue_ voir onss en_ voir onse nacomelinge hein-ric van + den velde vürs_ en_ zine_ nacome_linge_ nvmmermere krot hijnder noch gebreck te doen noch te doen doen aen desen vurscr_ Erue Jn orconde des En_ om dat wij Otte süermont / Jutte / Gerborch en_ vranck heinrics soen vurs_ op dese tijt zeluer gheen zegel en hebben Soe hebben wij gebeden en_ bidden Goesen van drüfler en_ dyrck van aemstel dat sij desen brief ouer ons bezegelen willem @ mit hueren zegelen En_ wij goesen van drüfler en_ dyrck van aemstel vürs_ hebben om beden wille Otte sermont Jutten Gerborch en_ vrancken vürs_ desen brief ouer hem bezegelt mit onsen zegelen Ghegheue_ jnt iaer onss h_en M ccc vijf en_ tneghentich des vrydages nae Sente Poncyaens dach m_er