Corpus Van Reenen-Mulder (CRM14): Oorkonde K602r32101

. . Wi willem van striene / en_ tielman jans sone scepen tot woudrich_ orconde_ met desen brieue beseghelt met onsen seghelen / dat voer ons quame_ alse voer scepen / tielman willems sone / neude vranken sone / ende gielijs van echt ghesons lieues / en_ machtigher Sinne / ende droghen op met ghesamender hand / here_ gheraede heere van hoerne / die hantveste van der grute tot woudrich_ en_ ene_ scepenen brief van woudrich_ sprekende dat gheese sgrueters docht_ quite scaut voer scepen / en_ voer des h_en manne van hoerne een dedinghe dat Si teghen hare moed_e hadde / van der hantveste van der grute tot woudrich_ / en_ dat gheese voerseeght / janne den grut_e hare_ sone / die voersproken hantveste wale gonde / die hi ghiede / en_ liede dat hi hadde / en_ dese voerghenoemde / tielman / neude / en_ gielijs gauen h_en gheraede h_e van hoerne voerseeght / die voersprokene brieue / ende alle hore recht / en_ alle hore onrecht / dat si daer ane hadden / en_ si verteghen daer na op en_ verhalmeden daer na op alse tot sinre behoef / Ghegheue_ int jaer ons h_en / dertien + hond_t + / en_ een en_ twintich des sonnendaghes na sinte g?s dach - - - -