Lijst

Corpus Van Reenen-Mulder (CRM14): Oorkonde K602r35901

Woudrichem of omgeving, 1359

Wi Jan van den campe en_ ghisebrecht neyse scepen tot woudriche_ oerconden met desen brieue beseghelt met onsen Seghelen / Dat her jan van palanen h_e van der lecke / ende van breda / droech op en_ ghaf tot eene_ vrien eighendom laurens cloets sone tot godevaerts riken behoef / neghend + alf m_ghe_ lants gheleghen jn den ghericht van woudrichem van welken lande voern_ gheleghen Sijn viertien hont jn die henghemenghe tusschen Sinte jans altaers lant aen die een Side ende willem reyners soens erfnamen lant ende seuen m_ghen lants die willem wissen waren aen die ander Side / ende seuen hont lants opt hoghe lant gheleghen tusschen h_en arnts lant van den zande en_ willem reyners soens erfname_ la_t aen beiden Siden ende twee m_ghen lants jnt vorste creyenvelt tusschen willem bots lant aen die een Side en_ willem jan neuden soens soens lant / en_ willem jacobs soens lant aen die ander Side / ende derd + alf m_ghen lants gheleghe_ jnt efterste creyenvelt tussche_ willem bots lant aen die een Side / ende arnt claes soens lant en_ peter badeloghe_ soens lant aen die ander Side / Ende eenen haluen m_ghen lants gheleghe_ jn den enghe tussche_ dghasthuus lant va_ woudriche_ aen die een Side / en_ onser vrouwen altaers lant aen die ander Side / Ende hi verteecht_ na op en_ verhalmeder na op tot godevaerds rike_ behoef behoudelijc joncfrou creymen gielys wijf was vten campe hoere lijftochte_ ende hoers rechts / Voert Soe quam her jan van palanen h_e van der lecke en_ van breda ende ghelouede den voerghenoemden laurens cloets sone tot godevaerts rike_ behoef dit voersproke_ lant te waren jn allen manieren als + me_ tot woudriche_ erue sculdich is te waren / Ghegheuen jnt jaer ons h_en Dertien ?t neghen en_ vijftich des vridaechs na Sinte gregorijs dach -