Corpus Van Reenen-Mulder (CRM14): Oorkonde K635r34801

WJ Heynman van hedychusen en_ arent yuwiin yuwiins sone scepen in huesden tughen onder onse Segele dat weenmaer die vryese opdroech janne den heelt neghe_ hont Lants die gheleghe_ siin in + de_ banne van wijc op scadewijc tusche_ den monic van middelborch en_ didderic va_ + de_ + wyele met elf voet dijx die gheleghe_ siin in + de_ banne va_ wijc tusche_ janne spirinc claes sone en_ janne van cule en_ met sloote en_ wet_inge dier metten rechte toe hore_ op dit voerscreue_ lant verteech weenmaer voerseyt tot jans behoef voerseyt als he_ en~gheen rechte daer aen te behouden en_ ghelofde janne voerseyt dit voerscreue_ Lant te waren jaer en_ dach als een eyghe_ erue en_ een volboden en_ allen voerco_mer af te doen die daer op is of comen mach van sir weghe_ dien hi metten rechte sculdich is af te doen . Hier na es comen janne die heelt voerseyt en_ heeft dit voerscreue_ Lant met dike sloote en_ wet_inge weenmare voerseyt weder opghedraghen tot ene_ rechten erftiinse ouer twee ende veertich scillinge siaers pe_ninge enen goden g_ten coninx tornoysen gherekent voer sestien pe_ninge of goet payment daer teghe_ erfeleken en_ alle jaer te ghelden op sente Lambrechts dach . . Ghegheuen jnt iaer ons h_en dertien + hondert en_ achte en_ + veertich sfridages na sente bartholomeeus dach . .