Corpus Van Reenen-Mulder (CRM14): Oorkonde K635r35502

WJ Aernt yuwiin yuwiins soen en_ didderic pouwels soen scepen in huesden tughen onder onse seghele Dat witte lemmens soen van dou_en hem dede richten metten rechte aen alsolken hofstat alse daer vrouwe angnese van haemsteede in bestarf of wie daer metten recht voer verantworden sal die gheleghen is in + den ba_ne van dou_en tuschen jutten die wiif was jacop heyne papen soens en_ die hoefstrate van dou_en en_ vercochte die hofstat metten rechte wouter spieringe jans soen alse een ghericht goet en_ een volboden en_ o_me dat een ghericht goet was en_ een volboden so wiisden die scepen Dats die heer van + den lande een waer sal wesen also verre alse si wisere daer ouer siin ent gheen leen en is en mach yeman met enen rechte wederzeggen / hier + na is come_ wouter spiering jans soen en_ heeft desen seluen coepe witten voerseegt weder opghedraghen en_ heeft daer op verteghen tot siinre behoef alse hem en~gheen rechte daer_ + aen te behoude_ Ghegheue_ int jaer ons h_en dertien + hondert en_ viue en_ viiftich swoensdaghes na dertiendach