Corpus Van Reenen-Mulder (CRM14): Oorkonde K635r36201

WJ Melijs die wilde en_ jan die wilde scepen in huesden tughen onder onse seghele Dat Rutgheer die bloet van baerdewiic en_ heynma_ siin soen opdroeghen ermegaerden sloetmakers vierdalue gheerde lants liggende tot baerdewiic tuschen gheraets brunen erfghenamen en_ rutgheer voersc_uen streckende van + den hoeyg_ue ter zandinge toe en_ daer op hebben rutgheer en_ heynma_ siin soen voersc_uen verteghen tot ermegaerde_ behoef voersc_uen alse hem en~gheen rechte daer aen te behouden en_ gheloefden hoer dit voersc_uen lant te waren jaer en_ dach alse een eyghen erue en_ een volboden en_ alle voerco_mer af te doen die daer op js of come_ mochte van horre weghen dien si metten rechte sculdich siin af te doen / hier na js comen ermegaert voersc_uen met horen ghecoren momber en_ heeft dit voersc_uen lant rutgheer en_ heynma_ sinen soen voersc_uen weder opgedraghen tot enen rechten erftiinse ouer veertich scillinge pe_ni_ge siaers enen goede_ g_ten coninx tornoysen gherekent voer sestien pe_ni_ge of goet payment daer teghen erfeleken en_ alle jaer te ghelden op sente peters dach in + den leynten Ghegheuen int jaer ons h_en dertien + ho_dert en_ twee en_ tsestich opten elften dach in merte -