Corpus Van Reenen-Mulder (CRM14): Oorkonde K635r36301

WJ goetscalke van veen en_ didderic mertens soen Scepen in huesden tughen onder onse seghele dat Robbrechte gheraet roelkens soens soen van baerdewiic opdroech ermegaerde_ die wiif was peters sloetmakers een vierdeel van enen slaghe lants liggende in + de_ ba_ne van baerdewiic tuschen heylwighen die wiif was gheraet roelkens soens aen deen side en_ saelmeen hermans hauen docht_ aen dander zide streckende van + de_ hoeue ten meerdyke toe met dyke sloet en_ wet_inge die daer metten rechte toe hore_ en_ daer op verteech Robbrechte voersc_uen tot ermegaerden behoef voersc_uen alse hem en~gheen rechte dar aen te behouden en_ gheloefde hoer dat voersc_uen vierdeel van dien slaghe lants te waren jaer en_ dach alse een eyghen erue en_ een volboden en_ dat heeft met hem gheloeft ghesame_der hand roelken siin brueder en_ gheloefden ermegaerden alle voerco_mer af te doen die daer op js of come_ mochte van robbrechts weghen voersc_uen dien si metten rechte sculdich siin af te doen en_ robbrechte gheloefde roelken sinen brueder scadeloes te houden / hier na js comen ermegaert voersc_uen met horen ghecoren momber en_ heeft dat voersc_uen vierdeel van dien slaghe lants met dyke sloet en_ met wet_ingen die daer metten rechte toe horen Robbrechte voersc_uen weder opghedraghe_ tot enen rechten erftiinse ouer veertich scillinge pe_ni_ge siaers enen goeden g_te coninx tornoysen gherekent voer sestien pe_ni_ge of goet payment daer teghen erfeleke_ en_ alle jaer te ghelden op onser vrouwen dach alse + me_ kersen bornt Ghegheuen int jaer ons h_en dertien + hondert en_ drie en_ tsestich swoensdages na sente aechten dach -