Corpus Van Reenen-Mulder (CRM14): Oorkonde K635r36401

WJ Robbrechte hacken soen en_ Coenraet van + der steghen scepen in huesden tughen onder onse seghele dat jan die vos van baerdewiic opdroech Melijs den wilden sest + alf hont lants liggende tot baerdewiic tuschen aernt den hollander westw_t en_ jutten gheerwiins erfghename_ oestw_t streckende van + der straten ter scutten toe en_ daer op verteech jan die vos voersc_uen tot Melijs behoef voersc_uen alse hem en~gheene rechte daer aen te behouden en_ gheloefde hem dat voersc_uen lant te waren jaer en_ dach alse een eyghen erue en_ een volboden en_ alle voerco_mer af te doen die daer + _op js of comen mochte van siinre weghen dien hi metten rechte sculdich js af te doen hier na qua_ Melijs voersc_uen en_ heeft dit voersc_uen lant ja_ne den vos voersc_uen weder opghedraghen tot enen rechten erftiinse ouer een pont pe_ni_ge siaers enen goeden g_ten coninx tornoysen gherekent voer sestien pe_ni_ge of goet payment daer teghen erfeleken en_ alle jaer te ghelden op sente vrbaens dach mede heeft jan die vos gheloeft dat hi dit voersede lant altoes goet sal maken voer een pont pe_ni_ge siaers Ghegheuen int jaer ons h_en dertien + hondert en_ viere en_ tsestich tsvridages na sente boenfaes dach - -