Corpus Van Reenen-Mulder (CRM14): Oorkonde K635r36901

WJ aernt van wiic bouings soen en_ roelof van + den wyele scepen in huesden tughen onder onse seghele dat heynric van malsen heyne zasse heyne sveren soen en_ symoen van vlecoten hebben v_teghen op alsolke dertich scillinge siaers alse jacop van malsen hadde op een hofstat liggende tot dou_en tuschen jutten die wiif was jacops heyne papen soens en_ die hoefstrate van dou_en en_ op alsolke brieue en_ vorwaerden alse jacop voersc_uen daer af hadde tot jans behoef jacops soens van malsen alse hem en~gheene rechte daer aen te behouden Ghegheuen int jaer ons here_ dertien + hondert en_ neghen en_ tsestich op sente clements dach