Corpus Van Reenen-Mulder (CRM14): Oorkonde K635r38601

WJ goetscalke van veen jans soen en_ jacop die sas scepen in huesden tughen onder onse seghele Dat ghodert didderic luben soen opdroech merten aernt mertens soens soen viere marghen lants liggende in + den ba_ne van hedechusen in die masehoeuen tuschen jan kuyst aernt didderic kuysts soens soen aen beyden ziden treckende metten enen eynde op die wet_inge met dyke sloet mase en_ metten wet_ingen die daer metten rechte toe horen en_ verteech daer op tot mertens behoef voersc_uen alse hem en~gheen rechte daer aen te behouden en_ gheloefde hem dat voersc_uen lant te waren jaer en_ dach alse een eyghen erue en_ een volboden en_ dat heeft met hem gheloeft ghesame_der hand maes siin brueder en_ gheloefden merten voersc_uen alle voerco_mer af te doen die daer op js of comen mochte van ghodert didderic luben soens weghen voersc_uen dien si metten rechte ?uldich siin af te doen wtghenomen achte scillinge siaers en_ vieve honre die die heer daer op heeft en_ dyerste gheloefde den andere_ scadeloes te houden Ghegheuen int jaer ons h_en dertien + hondert en_ ses en_ tachtentich tsondages na sente peter en_ sente pauwels dach