Corpus Van Reenen-Mulder (CRM14): Oorkonde K635r38702

WJ willem hessels soen en_ jacop die sas scepen in huesden tughen onder onse seghele dat peter vrederics soen opdroech peter van + den hecke alsolke veertich scillinge siaers alse ermgaert sloetmakers hadde op vierd + alue gheerde lants liggende tot baerdewiic tuschen gheraets brunen erfghenamen en_ rutgheer den bloten streckende van + den hoygraue ter zandinge toe en_ alsolke veertich scillinge siaers alse ermgaert die wiif was peter sloetmakers hadde op een vierdeel van enen slaghe lants liggende in + den ba_ne van baerdewiic tuschen heylwighen die wiif was gheraet roelkens soens soen aen deen zide en_ saelmeen hermans hanen dochter aen dander zide streckende van + den houe ten meerdyke toe en_ verteech daer op tot peters behoef van + den hecke alse hem en~gheen rechte daer aen te behouden en_ gheloefde hem hedde hi e_neghen co_mer daer op ghemaect met hande oft met monde dat + hi hem dien co_mer af soude doen . mede js ons scepen_ voersc_uen condich dat wi enen scepen_~brief ghesien hebben daer her jan peter sloetmakers soen priester aernt siin brueder en_ jan mast in verteghen hebben op alsolke veertich scillinge siaers alse ermgaert die wiif was peter sloetmakers hadde op rutgheer den bloten en_ op heynman sinen soen en_ op alsolke veertich scillinge siaers alse ermgaert voersc_uen hadde op robbrechte gheraet roelkens soens soen van baerdewiic en_ op alsolke brieue en_ vorwaerden alse ermgaert voersc_uen daer af hadde tot vrederic scoemakers behoef alse hem en~gheen rechte daer aen te behouden Ghegheuen int jaer ons h_en dertien hondert en_ seuen en_ tachtentich tsondages na sente mertens dach in + den wiinter -