Corpus Van Reenen-Mulder (CRM14): Oorkonde K635r39901

Wi bryen van wijc en_ jan van beynen jans soen scepen in huesden tughen onder onse seghele dat gheraet van + den hoeuel gheraets soen van den hoeuel van dronghelen ende marie sijn dochter met hoeren ghecoren momboer opdroegen didderic van + den hoeuel gheraet maesmans soen van dronghelen een hofstat metter ty_meringhe die daer op steet ligghende in + den ba_ne van dronghelen tusschen jans erfghenamen van + den hoeuel oestwaert en_ die steghe westwaert streckende van + der straten ten langhen campe toe en_ verteghen daer op tot didderics behoef van + den hoeuel voerscreuen als hem en~gheen rechte daer aen te behouden en_ gheloefden hem dese voersreuen hofstat metter ty_meringhe die daer op steet te waren jaer en_ dach als een eyghen erue en_ een volboden en_ alre voerco_mer af te doen die daer op is of comen mochte van hoerre weghen dien si metten rechte sculdich sijn af te doen . Ghegheuen int jaer ons heren dertien + hondert neghen + , en_ tneghentich des woensdaghes na sente peters en_ pauwels dach .