Corpus Van Reenen-Mulder (CRM14): Oorkonde K641r39701

Wy jan van loen En_ Eueraet die wilde scepen der vriheyt van waelwijc doen cont Ene_ jegheliken dat voer Ons siin comen Roeloef lambrechts soen lambrecht claus en_ Mechtelt met horen ghecoren voecht alle Roeloefs kinder voers_ en_ droeghen op peter haghen Enen acker lands metter ty_meringhe die daer op staet van kersselen jan nouden soens hostat tot der naest_ zandonc toe ener gherden breet in alder groetten dat si in + den hoefslach gheleghen siin westwaert gheleghen alre naest der hauen steghen en_ Een derdendeel van vier gherden lands deylinghe daer af van + der masen tot den merdyke toe in alder groetten dat si + se ghemeynne hebben ligghen met kerstinen heyn gheenen soens wijf was en_ met haer kind_en en_ hebben daer op verteghen tot siinre behoef als hen daer en~gheen Recht aen te behouden noch + te vermeten en_ Roelof lambr_ claus en_ mechtelt met haeren voecht als voers_ hebben gheloeft ghesamender + hant En_ Onghescheyden op hen en_ op haer goet dat si hebben of namaels verc_ghen moeghe_ peter voers_ dese Erfenis en_ ty_mering__ voers_ te waeren jaer en_ dach ende allen voerco_mer af te doen die daer op is of van haerent~weghen daer op comen mach wt~ghescheiden Een mudde Rogghe_ siaers dat mechgiel van breda daer jaerlijcs op heeft hier nae soe heeft pet_ voers_ Roelof en_ sine voerg_ kinderen dese Erfenis en_ ty_meringhe voers_ behoudelijc Enen jegheliken siins voer~rechte weder verlijt voer Een half mudde Rogghen siaers Erfelijcs pachts alle iaer te betalen ten boesch tot sente pet_s misse in + den zulle co_merloes en_ vry van allen Onraede die daer op comen mach jn Orconden desen brieue bezeghelt met Onsen zeghelen jnt jaer Ons he_n dusent drie + hondert tneghentich en_ zeuen op sente anderyes dach