Corpus Van Reenen-Mulder (CRM14): Oorkonde K644r37901

Wi jan die ?rene bueni_cs zoe_ . En_ dirc tyelman jacops zoe_ . schepen in hedel orkonden . met onsen zeghelen . dat voer ons qua_ . ? jans zoe_ . En_ heet gheloeft . boudewiin die gruter van den bossche . tot behoef des heylics gheest van den bossche . twe en twentich scilling_ tsyaers paeyments altoes jaerlics . op sente mertens dach . jn + den winter te betalen als van ene_ huus en_ van eenre hofstat . En_ welc huus en_ hofstat gheleghe_ is jn + den ghericht . van hedel . ter stede dat men heyt aen dat tfelt . tussche_ erfnis . wouters ghents . aen deen side . En_ erfnis jacop hacken zoens zoe_ . aen dander side . Ghegheue_ jnt jaer ons here_ dusent drie + hondert tseuentich + . en_ neghen op sente regharius dach .