Corpus Van Reenen-Mulder (CRM14): Oorkonde K650r37201

Wij Scepen_ . . Gheswoerne . . Rentmeest_e Dekene van + den ambachten Een deel der goeder knapen Ende die gemeyne stat van tsh_toghenbossche doen cond allen luden dat wij van wegen ende in name der voers_ stat wittelike ende erfelike vercoft hebben wouter van Oekel een helft van + den Negende camp van + den Oech_en tot vucht waert welke camp voers_ tien margen lands begrijpt ende is gelegen int vuchtbroec tusschen den erue art heyme en_ sinen gesellen aen deen side Ende tusschen de_ erue adams van mierde en_ sinen gesellen aen dander side streckende met den enen eynde aen die gemeynt ende met de_ and_en eynde aen die gemeyn straet die strect van + den gasthuse ten ? waert van + den voers_ wouter in ene_ erfrecht te besitten en_ te hebben Ende hebben geloeft en_ geloeuen van + der voers_ stat wege_ dat wij de_ voers_ wouter coep_e van + der voers_ helft des camps he_ alst voers_ is vercoft gerecht ende sculdige waerscap sullen doen Ende alle voerco_mer af~doen sullen de_ Selue_ vytgenome_ tyen scillinge gemeyns paym_t der voers_ stat van elken margen der voers_ helft des camps voers_ jaerlecs op sunte lambrechts dach daer vyt met de_ recht te gelde_ met alsulken vorwaerden toe~gedaen dat die voers_ wouter die voers_ helft des camps voers_ he_ alst voers_ is vercoft nyemant vercopen en sal noch vervreemde_ noch nyemant vercopen noch vervreemden en sal moge_ in geenre maniere_ dan sine_ medepoert_en der stat voersc_ Oec eest vorwaerde dat die voers_ wouter die voers_ helft des camps voers_ loflike beheymen sal en_ vreden . Ende dat die voers_ wouter scutten mach die beeste_ die queme_ op die voers_ helft des camps voers_ Dats te weten elke beest op tyen Scillinge paym_t voers_ Ende dat die selue wouter voers_ . . tghelt van + de_ voers_ scutten come_de oft verscinende alleen heffen en_ buere_ sal en_ behoude_ jn welker ding getuychgenisse ende in ke_nisse_ der waerheit hebben wij den gemeyne_ groote_ zegel der voers_ stat aen dese_ li_en doen hange_ Gegeue_ jnt jaer ons h_en dusent drie + hondert tseuentich en_ twee des vridag_ na Sunte Matheus dach .