Corpus Van Reenen-Mulder (CRM14): Oorkonde K650r37202

Wij Scepen_ . . Gheswoerne . . Rentmeest_e Dekene van + den ambachten Een deel der goeder knapen Ende die gemeyne stat van . . tshertoegenbossche Doen cond allen luden dat wij van wege_ en_ jn name der voers_ stat wittelike ende Erfelike_ vercoft hebben jan van der zidewunden vier hond lants gelegen op die hoege~donc die welke vier hond lands aldaer ouervonde_ sijn met der gerechter maten van + de_ voers_ jan coep_e in ene_ erfrecht te besitten ende te hebben Ende hebben geloeft en_ geloeuen van + der voers_ stat wegen dat wij de_ voerg_ jan coep_e van + den voers_ vier hond lands he_ alst voers_ is vercoft gerecht ende sculdige waerscap doen Sullen Ende alle voerco_mer af~doen sullen de_ Selue_ vytgenome vijf groet gemeyns payments der voers_ stat jaerlecs op s˚nte Remeys dach vyt de_ voers_ vier hond lands met den recht te gelden Met alsulken vorwaerde_ toe~gedaen / dat die voers_ jan die voers_ vier hond lants hem alst voers_ is vercoft nyemant vercopen en sal noch vervreemde_ noch vercopen en sal moeghen in gheenre manieren dan sine_ medepoert_en der stat van tsh_toegenbossche voers_ Jn welker ding getuychgenisse_ en_ in ke_nisse_ der waerheit hebben wij den gemeyne_ groete_ zegel der voers_ stat aen dese_ li_en doen hangen Gegeue_ jnt jaer ons h_en dusent drie + hondert tseuentich en_ twee des vridag_ na Sunte Matheus dach .