Corpus Van Reenen-Mulder (CRM14): Oorkonde K650r37203

Wij . . Scepen_ Gheswoerne Rentmeest_e dekene van + den ambachten Een deel der goeder knapen Ende die gemeyne stat van tshertoegenbossche Doen cond allen luden dat wij van wegen ende in name der voers_ stat wittelike ende erfeliken vercoft hebben / Gherijs van os Een helft van + de_ negende_ camp van + den Oech_en tot vucht waert welke camp voers_ tyen marge_ lands begrijpt ende is gelegen int vuchtbroec tusschen den erue art heyme_ en_ sine_ gesellen aen deen side ende tusschen de_ Erue adams van mierde en_ sine_ gesellen aen dander side streckende met den enen eynde aen die gemeynt ende met de_ and_en Eynde aen die gemeyn straet die strect van + den gasthuse ten Oech_en waert van + den voers_ gherijs coep_e in ene_ erfrecht te besitten ende te hebben Ende hebbe_ geloeft en_ geloeue_ van + der voers_ stat wegen dat wij de_ voers_ gherijs coep_e van + der voers_ helft des camps voers_ he_ alst voers_ is vercoft gerecht ende Sculdige waerscap sullen doen En_ alle voerco_mer af~doen sullen de_ Selue_ vytgenome_ tyen scillinge gemeyns payments der voers_ stat van elken marge_ der voers_ helft des camps voers_ jaerlecs op S˚nte lambrechs dach daer vyt mette_ recht te gelden Met alsulken vorwaerden toe~gedaen dat die voers_ gherijs die voers_ helft des camps voers_ he_ alst voers_ is vercoft nyemant vercope_ en sal noch vervreemde_ noch nyemant vercopen noch vervreemden en sal moege_ in gheenre manieren dan sine_ medepoert_en der stat van tshertoegenbossche voers_ Oec eest vorwaerde dat die voers_ gherijs die voers_ helft des camps voers_ loflike beheyme_ sal en_ vreden . Ende dat die voers_ Gherijs scutten mach die beesten die queme_ op die voers_ helft des camps voers_ dats te weten elke beest op tyen Scillinge paym_t voers_ Ende dat die selue gerijs voers_ tghelt van + de_ voers_ scutten come_de oft verscinende alleen heffen sal ende behaude_ jn welker ding getuychgenisse en_ in ke_nisse_ der waerheit hebben wij den gemeyne_ grote_ zegel der voers_ stat aen desen li_en doen hange_ Gegeue_ jnt jaer ons h_en Dusent drie + hondert tseuentich en_ twee des vridag_ na S˚nte matheus dach .