Corpus Van Reenen-Mulder (CRM14): Oorkonde K650r38801

Wij scepen_ . . ghesworen Rentmeesteren . . dekene van + de_ ambachte_ / Een deel der goider knapen / En_ alle die ghemeyn stat van tshertogen~bossche / doen condt allen luden dat wij van wegen en_ jn name ons_ voirs_ stat wittelic en_ erfelic vercoft hebben aelbrecht den wael tot behoef der tafelen sheylichs gheests in ons_ voirs_ stat enen jaerlike_ en_ erfelike_ tijns van neghen ponden en_ acht scillinge_ / en_ twee pe_ninghe_ / welke_ erftijns die voirs_ tafel sheylichs gheests ons_ voirs_ stat jaerlijcs en_ erfelic sculdich is te ghelden / vyt een en_ dertich margen / en_ twee hont / en_ seue_tien roeden lants tot der voirs_ tafelen sheylichs gheests behorende van + de_ dusent margen lants der ghemeynte_ ons_ voirs_ stat / van welken een en_ dertich margen en_ twee hont en_ seue_tien roeden lants voirs_ / vijf margen welc waren wiln_e anssems svleeschouwers op die Oecheren / En_ twee margen welc ware_ wiln_e h_en Gerijts ? oic op die oechere_ voirsc_ / En_ ene_ margen welc was ghilen van ghestel oic op die Oicheren voirs_ En_ ene_ margen op die slagen / welc margen der voirs_ tafelen sheylichs gheests van + de_ dusent margen voirs_ gheviel te deel / En_ ene_ margen welc was jans van mol gelege_ oic op die slagen voirs_ . En_ vier margen welc ware_ voertijts gerijt eelkens gelege_ oic op die slage_ voirsc_ . En_ ene_ margen welc was gerijt steenwechs . gelege_ ouer die vaert jte_ vijft + alue_ margen en_ dertien roeden lants welc ware_ jans van helaer op die assmyt / En_ vier margen welc waren jans koyts jn den peper / En_ drie margen en_ vijf hont lants welc ware_ wijnrics van oyen jn de_ vliedert / En_ twee margen welc waren metten martens en_ lemkens de_nencop oic jn den vliedert / En_ ene_ margen welc was corstiaens en henrics kijndere_ wiln_e andries berwouts oic jn vliedert En_ ene_ marghen welc was gerijts steenwechs op die baseldonc gelegen / van + der voirs_ tafelen sheylichs gheests / jn ene_ erfrecht te besitten en_ te hebben / En_ wij hebben geloeft en_ gelouen jn goide_ trouwen dat wij der voirs_ tafelen sheylichs gheests van den voirs_ erftijns den voirs_ aelbrecht tot behoef der voirs_ tafelen vercoft als voirsc_ is gerecht en_ sculdich waersscap doen zullen Jn ke_nissen der waerheyt hebben wij ons_ voirs_ stat groten zeghel aen desen brief doen hangen / Gegeue_ des manendachs na den sonne_dach als + men singt Exaudi Jnt jaer ons h_en dusent drie + hondert acht en_ tachtentich -