Corpus Van Reenen-Mulder (CRM14): Oorkonde K650r39601

Wij Scepen_ geswoerne Rentmeest_en . . dekene van + den ambachten Een deel der goider knapen Ende alle die gemeyne Stat van Tshertogen~bossche doen Cont allen luden dat wij van wegen ende Jn name Onser voirs_ Stat wittelijc en_ erffelijc vercoft hebben Goidscalc van Megen een helft van enen Jaerleken en_ erftijns van twelf scillingen en_ vier penningen gemeyn payments welken erftijns van twelf scillingen en_ vier pe_ningen gemeyns payments Onse voirs_ Stat jaerlec en_ erffelijc geldende heet op sente martens dach in + den wijnter vyt enen derdendeel welc tot gielijs van + den doren te + behoren plach . jn + den vijften Camp sesse margen ende enen hont lants begripende gelegen voir vlimen bouen die straet ten Cro_uoirtschen beemde_ wairt tusschen den Erue jans van brolis en_ sijnre gesellen aen deen side En_ tusschen der gemeynre straten aen dander side streckende van + de_ Cro_voirtschen beemden totter gemeynre straten welc derdendeel des voirs_ Camps gielijs van + den doren voirtijds tegen Onse voirs_ Stat gecoft hadde En_ een helft va_ enen jaerliken en_ erftijns van sestien scillingen en_ tien pe_ningen gemeyns payments welken erftijns Onse voirs_ Stat jaerlecs geldende heet ten voirscr_ termine vyt enen derdendeel welc tot gielijs van + den doren te + behoren plach . jn + den derden Camp acht margen twee hont en_ tsestich Roeden lants begripende gelegen voir vlimen bouen der voirs_ straten ten voirs_ Cromvoirtschen beemden wairt tusschen den Erue jan nollekens aen deen side en_ tusschen den Erue des voirs_ jans van broks en_ sijnre gesellen aen dander side welc derdendeel des voirs_ Camps die voirs_ gielijs van + den doren tegen Onse voirs_ Stat gecoft hadde van + den voirs_ Coeper in een erfrecht te besitten en_ te hebben En_ wij hebben geloeft en_ gelouen in goiden trouwen den voirscr_ goidscalc Coeper dat wij hem van + den voirs_ tween helften der voirscr_ erftijnsen hem vercoft als voirscr_ is sculdige en_ gerecht waerscap sullen doen . jn kennissen der waerheyt Soe hebben wij Ons_ voirs_ Stat groten zegel aen desen brief doen hangen Gegeuen jnt jaer Ons h_en dusent drie hondert tnegentich en_ sesse des maendaechs na Sente andries dach des apostels . .