Corpus Van Reenen-Mulder (CRM14): Oorkonde K660r33101

Allen den ghenen die desen brief selen sien ende hoeren lesen , ic Wouter van Nyspen , rentmeester van Breda , doe cont dat + ic van ons heren tshertoghen weghen hebbe vercocht wetteleec , ute~gegeven erfleec ende gelevert met der lant mate , Jacoppe Soetrix , achtiene bunre moers metten gronde in eene stucke gelegen bi Vlassele boven Waghenberghe , om seker voerlief mi wel betaelt van dien selven Jacob , op ses penninghe chiins van elken bunre alle jare te ghevene . In orconscap van desen hebbic minen seghel ane desen brief ghehangen . Ghegeven int jaer ons Heren dusentich drie hondert ende eene ende dertech , op den andren dach van Meye .