Corpus Van Reenen-Mulder (CRM14): Oorkonde K660r33201

Allen den ghenen die desen brief selen sien ende hoeren lesen , ic Wouter van Nyspen , rentmeester van Breda , doe kenliic , dat + ic van ons heren tshertogen weghen hebbe vercocht wetteleec , ute~ghegheven erfleec ende ghelevert met der lant mate , Jacoppe Zoetrix vive ende tuintech bunre heyden , wilderden ende moers met den gronde , in eenen stucke , gheleghen tuschen die Vucht van Breda ende der Aelst , om seker voerlief mi wel betaelt van dien selven Jacob , op ses penninghe chiins van elken bunre alle jare te gevene . In orconscape van desen hebbic minen segel an desen brief ghedaen . Ghegheven ind jaer van der gheborten ons Heren dusentech + , drie hondert ende een ende derdech , op den neghenden dach van Marte .