Corpus Van Reenen-Mulder (CRM14): Oorkonde K660r33202

Wi Gilijs van + der Boverien ende Jonaes van + der Elst , manne tshertoghen van Brabant uten huse van Breda , ende wi Jan Kerchof ende Heinric van + den Dike , scepene in Hertele , orconden ende kennen , dat voer ons quam Willem die + men hetet Moncijn , ende lide dat hi hadde vercoft ende vercofte erflike Willeme Lemsen sone drie boenre mors , die gheleghen sijn tote Vlastele boven Waghenberch lants neven Diederic Lumbaerts moer op~gaende , med ses penninghen heren ghels den here daer af te ghevene van elken boenre tsjaers , in welke drie boenre moers voerseit Willem es in ghevest ende in ghedaen med manen des rechters ende wysdoem der gherre diere med enen rechte wiser over waren ; also alse recht was ende tote heer comen es . In kennessen der wareit ende omme~dat wi hyr over waren , so hebbe wi manne ende scepene voerseit desen brief beseghelt met onsen seghelen , int jaer ons Heren &mring; ccc˚ ende twee ende dertech , des manedaghes na sente Dyonijs daghe .