Corpus Van Reenen-Mulder (CRM14): Oorkonde K660r34902

Wy Heinric van Ghierle ende Thomaes Michiels sone van Dorst , scepene in Baerle , orconden ende kennen med desen briefe dat voer ons quam Reynoud Wyts sone ende verlyde dat hi hadde vercoft mynre~vrouwen der priorinnen ende den ghemenen convente der nonnen van Breda , van + der ordenen van Premonstreit , een sester rogs tsjaers erfpachts goed ende custbaer altoes te leveren tot Breda den vors_ convente med der maten van Breda ende tot onser Vrouwen lichtmisse als men kersen draghet , op syn huus ende hof med sinen toe~behoerten daer hi nu in woent ende op enen buer die bi wilen was Willem Wers , ende op twee stucken lants die gheleghen + syn , deene aan den molen neven den wech thardel waert , ende dander stucsken voerdaan op die selve side oec an den selven wech gheleghen ende op een viertel rogs erfpachts die hem Wouter van den Bure jaerlycs geeft van enen hove die gheleghen is bi + den veken tenden den boegaert , om ene summe van penninghen die Reynoude vors_ wittelic ende wel betaelt is . In ? vors_ goet mynre~vrouwe ende tghemene convent vors_ syn inghevest med vonnisse ende med rechte , bi wysdom der gheenre die daer sculdich op waren te wisen . Oec so eest vorwaerde dat Reynoud tvors_ goet den nonnen vors_ altoes vrien sal met den heren cynse . In kennissen der waerheit es dese brief beseghelt med onsen seghelen . Int jaer ons Heren doe + men screef M . + CCC . + veertich ende neghene des sondaghes voer sinte Jans misse baptiste .