Corpus Van Reenen-Mulder (CRM14): Oorkonde K660r35301

wij heinric van + den dike en_ wouter vinc scepene in hertele orconden en_ kenne_ med desen brieue dat voer ons quam jan boet van hertel en_ verlijde dat hi vercoft hadde om een somme van pe_ninghen die hem gheheellijc en_ al betaelt ware janne bertrams sone van hertel of den houder des briefs / sesse en_ twintich grote erfcijns / moente_ daer deen coma_ den and_en tallen daghen mede betalen mach binne_ der prochghie van breda / op twe boenre beemde luttel meer of luttel min gheleghen ter heyden / en_ ghehete_ sijn dat biesebloc / welc boenre beemde voersc_uen beleghen heeft Dieric heyne_ soen van + den dike an die zuytside / en_ jan haec an die nortside / altoes betalen desen erfcijns voersc_uen janne bertrams sone voerseit of den houder des briefs op sente bauen dach Voert so heeft jan boet gheloeft voer ons so wanneer dat hi sine beterheit of sine rechte vercopen sal van deser erflijcheit vorghenoemt dats jan bertrams sone voerseit die naeste sal wesen om den penninc dattet waert is in + der waerheit / Ende in desen erfcijns voersc_uen so is jan bertrams sone in ghevest en_ toe~ghedane med vonnisse en_ med rechte also dat hem vast si Jn kennissen der waerheit is dese brief beseghelt med onsen zeghelen jnt Jaer ons h_en . Dusent Drie + hondert vijftich en_ drie zeuen daghe binnen wedemaent - -