Corpus Van Reenen-Mulder (CRM14): Oorkonde K660r36803

(onleesbaar) drie scellinghe ende ses penninghe groote paeyments , erfelec ende ewelec duerende van drie en twintich lopsaden lands luttel min ofte meer , altoes te betalene op sente Mertens dach in + den winter . Voert es vorwaerde dat Jan vors_ desen vornoemden erfchys aflossen mach ende bewisen bi scepenen ende den rechtere daers de nonnen ghehouden siin , ende dan mach Jan sinen wille doen met den drie ende twintich lopsaden lands vorscreven , ende dit vornoemde lant es ghelegen binnen Hulsdonc ; ende Jan Michiels sone vornoemt heeft verzekert ende veronderpant desen vornoemden erfcyns op sin huus ende hof ende op tlant datter ane gheleghen es (onleesbaar) Dit was ghedaen int jaer ons Heren doe + men screef dertien + hondert tsestich ende achte , des manendaghes vor sente Catelinen dach .