Corpus Van Reenen-Mulder (CRM14): Oorkonde K660r37201

(onleesbaar) die hoeve metten huyse ende met allen horre toebehoerten oft in wat goede , dat si gheleghen is op die Bye in die prochye van + der Haghe , met zesse oude groten tsjaers die daer jaerlycs vore uut heffen die kerke ende die heyleghe gheest van + der Haghe , om vyf zesteren rogs ende een zester ghersten , goet ende custbaer , die te leveren int godshuys van + den convente vorscr_ metter maten van Breda ende te betalen erflic ende alle jare tot onser vrouwen lichtmysse , ende om vier cappoene die tsjaers te betalen erfelyc tot allen sente Baven daghe ; welke goet vorsc_ die vors_ persoene van des convents weghen hebben ghelooft te vryen ende te waren metten commer vors_ . Vort heeft Aernt vors_ ghelooft dit voerghenoemde goet te veronderpanden met enen zester roghs tsaers erfs~pachts ende dat te coepen binnen twee jaren in die prochie van + den Haghe , daer scepen van den Haghe dunken sal dat tconvent vors_ wael ghehouden is , ende dat ghelooft Aernt vors_ op hem ende op syn goet te voldoene . In orconde der waerheit met onsen zeglen beseghelt , int jaer ons heren M . + CCC . + tseventich ende twee , twintich daghe in Aprille .