Corpus Van Reenen-Mulder (CRM14): Oorkonde K660r37202

Wi Bartholomeeus Goedscalcs sone ende Aernt van + den Neste , scepen in Breda ende manne tsheren van Breda , orconden dat voer ons quamen Lysbeth Scevels , ende Bartholomeeus ende Ghodevaert hoer kyndere dat si ghenomen hadden op hem ende op hoer goet ghezamender hant voer hem zelven ende tot behoef Kerstinen ende Lysbeth horen zusteren tot eenen gherechten erve jeghen joffrou Katelinen van + der Cameren priorinne der nonnen van Breda ende teghen tghemeyn convent alsulc beemde ende goet als si ligghen hebben in die parchy van Roesendale binnen eenen sloete , welc goet gheheiten es den Ryedamer , daer die beke neven loept aen die west~zide ; om twintich scellinghe grote tsjaers erf~chyns payments daer die een coman tallen daghen mede betalen mach ; te leveren binnen Breda ende te betalen alle jare op sente Martens dach in + den winter , daer die irste betalinghe af wesen sal van sente Martens misse naest comende over een jaar . In kennissen der warheit met onse zeglen beseghelt int jaer ons heren M . + CCC . + twee ende tseventich , vier ende twintich daghe in oexstmaent .