Corpus Van Reenen-Mulder (CRM14): Oorkonde K660r37901

Wj Jan die Clerc / en_ Peter van + der hulse Scepene in die hage Orconden dat voer ons quam jan van hylaer Ende lide dat hi genomen hadde in gerechten erfpacht van Godelden van hylaer peter vrancken dochter was . alsulc goet als zij int lies liggen heeft / ende daer om omtrent / ende dat peters . haers . vader plach . te zine / Dat es te weten die helft van ene_ stucke lands . dat heyne auyers plach te zine gelegen opten brandacker neue_ Mathijs goede van z˚ndert oestw_t aen deen zide / ende ansems voskouder goet westw_t aen dander zide . jte_ die helft van ene_ stucke lands geheiten woddenacker gelege_ neue_ heynric haens goet aen deen zide / en_ arnd . maes + soens . goet aen dander zide . jte_ die helft van + den queest_ dijxken / boue_ die vaert int lies / gelegen Arnd maes + sone aen deen zide / en_ jan die hoene aen dander zide / Jt_ die helft van + den langacker / gelegen willem amels . zoens . goet aen deen zide / en_ ansems vos . goet aen dander zide / Jte_ die helft van ene_ stucke lands gelegen neue_ den brandacker / dat hare_ Jans costers . plach te zine / alsoe alse zij Peter haren vader toe~behoerden / en_ haer toe~gedeilt ziin / om zesse lopen rogs . tsiaers . erfspachts goet en_ custebaer / te gelden en_ te leueren erflic en_ alle Jaer binnen Breda / en_ metter maten van breda op ons_ vrouwen dach lichtmisse / en_ om desen erfpacht voers_ meer te verzekere_ . Soe heeft Jan van hylaer voerscr_ zine weder~helften en_ gedeilten van + den voerscr_ goede alsoe als voer bescreue_ en_ bepaelt staen en_ hem toebehoren geset tot ene_ onderpande / ende hier bouen Soe zal Jan van hylaer voers_ alle ander co_mer en_ here_ chijs gelden zelue ende bewaren die vyt desen goede sculdich es te gane jn orconde des_ brieue met onse_ zeglen besegelt jnt jaer ons h_en M . + CCC negen . en_ tseue_tich des dertiende dages in Januario .