Corpus Van Reenen-Mulder (CRM14): Oorkonde K660r38401

Wi Arnd van welle en_ Jacop van eysel Scepen in ghynneke_ Orkonde_ dat voer ons quam wille_ hessel druyts soen Ende lide dat hi vercocht hadde om een so_me van ghelde die hem vol en_ al betaelt is Ja_ne van bauel heynrix soen van bauel was vijf lopen rogs tsiaers erfelix pachts goet en_ custbaer Te leuere_ erfelic en_ alle Jaer binne_ breda metter mate_ van breda op onser vrouwe_ dach als + me_ kerssen draghet wt alsulke_ erue als willem vors_ bleef nae dode sijn vader en_ ghelege_ is in chaem welc voers_ erue wille_ voerghenoe_t gheloeft heeft te vryen en_ te waren met zeste + halue_ lopen rogs tsiaers die daer alle Jaer te~voren wt gh~aen Jn welken vijf lopen rogs tsiaers erfelix pachts vors_ Jan voerghenoe_t gheuest is en_ toe~ghedaen met vonnes en_ mit recht soe~dat hem zeker is en_ vast Jn orcond desen b_ue met onse_ zeglen beseghelt Jnt Jaer ons h_en M ccc vier end tachtich twe end twintich dagh_ in Marte