Corpus Van Reenen-Mulder (CRM14): Oorkonde K661r33701

Wi Wouter van Bavel ende Jan Cockelberch , scepen in Oesterhout , maken cont allen den ghenen die desen brief sellen sien ofte horen lesen , dat voer ons comen es Heynrijc Reynbout ende Kateline siin wijf met horen witteghe momboere , ende verliden dat si hebben twe bunre beemde , die + men houden es van den goets~huse van Tongheloe ende die gheleghen siin tot Oesterhout in + den Wijstert , elc bunre beemde om v s_ Tornoyse , enen gr_ over sestien penninghe , oft payment dat daer jeghens ghedreecht ; ende dese voerghenoemde buunre sal Heynrijc ende Kateline voernoemt bruken ende orboren tote hore beyder live ende niet langher , ende also langhe als + er een leeft van hem tween , soe sal hi beyde dese bunre bruken , gheliker wijs of si beyde leveden , ende ieghenwordech waren , ende na hoere beyder doet sellen dese bunre weder aent goed~huus van Tongherloe comen sonder enich wedersegghen van Heynrijcs Reynbouts erfghenamen ofte Katelinen siin wijfs . In kennisse der waerheyt soe heb wi scepen voernoemt desen brief beseghelt met onse seghelen . Ghegheven int jaer ons Heren &mring; c˚cc ende xxxvi&jring; , op den Paesche~avond .