Corpus Van Reenen-Mulder (CRM14): Oorkonde K685r34901

Wy heinric pigghe / En_ jan walrauen / Scepen jn oest_wijc maken cont enen yeghelike_ dat voer ons was ghestaen / Ghisebrecht wout_s stiefsoen van + der scuren / En_ bekende hem dat hi hadde v_cocht / jn Enen witteghen cope / Na volcomen gheboede daer af ghedaen jn + der kerken van haren also als Recht was / als ons tue man seyden vter prochien van haren lijsbetten / docht_ wiln_e aert nenne_ soens / Tot behoef hoers selfs / En_ tot behoef / kateline_ / m_grieten / jden / Enghew_en / En_ jans / hore sust_en En_ hoers broders / Alle / Alsulc Recht / als hi hadde / jn + der Rogghine_~beempt / Dat js the weten / Een achtendele jn die helft van + den seluen beemde / En_ Enen haluen hopper hoys jn die ander helft van + den v_noemden beemde / welc beempt gheleghen js the lutel bi die molen / En_ heet gheloeft / Ghisebrecht / v_seyt / op hem en_ op siin goet der v_noemder lijsabetten / Allen v_comm__ / En_ alle kalangi Af the doen van + der v_ghenoemder Erfenissen / En_ the waren op dese v_screue_ gheloeft / als + men Erue sculdech js the ware_ / En_ ghewoent es / jn orconde dese_ brieue beseghelt open met onsen seghelen jn + den jaer ons h_en / Dusent + / Drye + hondert + / veertech en_ neghen Tsondaechs na sente pauwels dach . jn + den wint_ gheleghen . . . .