Corpus Van Reenen-Mulder (CRM14): Oorkonde K685r37401

Jan zoen wiln_e aerts van + den ven / heeft vercoft in enen wittighen cope / janne gheheyten Peters zoen / Een stuc lands gheleghe_ in + der p_chyen van haren niet verre der kerken / tusschen der erfenis h_en @ wouters van Beke priesters optie een zide / ende tusschen der erfenis die scheuens van + der steghen was @ optie ander zide streckende metten enen eynde aen der straten ende metten and_en eynde aen d_ erfenis @ aerts van + der hoeuen / als hy seyde / En_ welc stuc lands dese voers_ vercop_e jeghen willem gheheyten @ van + den heesacker zoen wiln_e jans van + den heesacker in enen wittighen cope ghecreghe_ hadde ghelijc @ als dit in scepen~lett_en van Oest_wijc daer op ghemaect volcomeliker begrepen is / Ende in + den name @ des ghes_ coeps soe heeft dese voers_ vercop_e dit voers_ stuc lands / te~samen mette_ voers_ scepene_~lett__en @ met alle_ hore_ machte ende begripe / den voergh_ cop_e ouerghegheuen en_ opghedraghen met afgaen en_ @ vertyen als daer toe behoerlijc is / Ende heeft gheloeft jan vercop_e voers_ op hem ende op alle_ sijn goet @ desen voers_ cope den voergh_ janne cop_e euweliken ghestendich ende vast te houden / en_ in sine_ name @ te doen houden sonder ennich weder~zegghen / Ende alle_ voerco_mer ende calangie van sinen weghen @ daer in wesende altemael af te doen den seluen heeft voert gheloeft dese voers_ vercop_e optie voerscreue_ gheloeft / dat hy alle_ sijn mede~erfghenamen / oft sy totte_ voers_ stuc lands ennich recht hedden @ hoers rechts / daer in sal doen v_tyen tot behoef des voers_ copers / En_ hen daer alsoe veel toe sal doen @ doen datte_ voers_ cop_e zeker ende vast sal sijn hi_ + en~bouen soe quam / jan zoen wiln_e Roelofs van + de_ @ ven ende boet sijn blikende ghelt go_s~penninc lijfcope ende hoetghelt te quiten en_ te loessen m_ recht @ van naerscappe_ dit voers_ stuc lands / ende boet daer toe te doen alle_ dat die scepen kende_ dat hy daer sculdich toe w_e te doen ende dat te doen in al + der tijt dat hijt met recht doen soude / en_ vraeghde @ den voers_ janne cop_e oft hy hem die naerscappe woude ke_nen / doen seyde hy ja hy kende hem die @ naerscappe als van + den stuc lands voers_ / want hijs naerder was . Orconde_ hebben hier ouer @ gheweest scepen in Oesterwijc / jan coman willems zoen / ende Ghijsbrecht jacobs zoen die hoer @ zeghelen in ghetughenisse hier aen hebben ghehanghen jnt jaer ons heren Dusent Drye + hondert @ tseuentych ende Vier op des heylyghs cruus dagh / jnuentio