Corpus Van Reenen-Mulder (CRM14): Oorkonde K685r37402

Willem gheheyten van + den heesacker zoen wiln_e jans van + den heesacker Bekende he_ hebben @ vercoft in enen wittighen cope janne zoen wiln_e aerts van + den ven / Een stuc lands gheleghen @ in + der p_chyen van haren niet verre der kerken tusschen der erfenis h_en wouters van beke priest_s @ optie een zide ende tusschen der erfenis / die scheuens van + der steghen was optie and_ zide streckende @ metten enen eynde aen der straten / ende metten and_en eynde aen der erfenis aerts van + der hoeuen als hy seyde / Ende in + den name des ghes_ coeps soe heeft dese voers_ vercop_e dit voers_ stuc lands @ den voergh_ cop_e ouerghegheuen ende opghedraghen met afgaen ende vertyen als daer toe be-hoerlijc is / Ende heeft gheloeft willem vercop_e voers_ op hem ende op allen sijn goet dit voers_ @ stuc lands / den voergh_ janne cop_e te warne_ tot euwighen daghen vry en_ los als + men Erue dat @ en~ghenen co_mer en dreeght sculdich is te warne_ / En_ alle_ voerco_mer ende calangie daer inne @ wesende altemael af te doen den seluen / Orconde_ hebben hier ouer gheweest scepen in Oester-wijc / jan coman willems zoen ende Ghijsbrecht jacobs zoen die hoer zeghelen in ghetughenisse @ hier aen hebben ghehanghen / jnt jaer ons h_en Dusent Drye + hondert Tseuentych en_ Vier des @ zondaghs voer sente marchus dagh ewangelist