Corpus Van Reenen-Mulder (CRM14): Oorkonde K685r38201

Hessel gheheyten doerman boet sijn blikende ghelt gods~pe_ninc lijfcope ende hoetghelt te quiten ende te loessen met recht van naerscappe_ Een stuc lands gheleghen in + d_ p_chyen van haren in een stede gheheyten beluer tusschen der erfenis kathelinen pauwels optie een zide / en_ tussche_ der erfenis Janne priems ende sijnre voer~kijnd_ optie and_ zide als hy seyde / Ende welc stuc lands voers_ Gherijt die + me_ heyt Gherydijn zoen wiln_e henric lo_baerts vercoft hadde Godeuaerde gheheyte_ poynenborch zoen wiln_e peter poynerborchs ende boet daer toe te doen alle_ dat die Scepen kende_ dat hy daer sculdich toe w_e te doen ende dat te doen in al + d_ tijt dat hijt met recht doen soude en_ vraeghde den voers_ Godeuaerde oft hy hem die naerscappe woude kenne_ / doen seyde Godeuaert voers_ ja hy kende hem die naerscappe / Desen aldus ghesciet soe heeft hessel voers_ alz˚lc naerscappe als hem Godeuaert voers_ voer ghekent heeft den seluen Godeuaerde weder ou_ghegheue_ en_ opgedraghen met afgaen ende vertyen als daer toe behoerlijc is / Ende heeft gheloeft hessel voers_ op hem ende op sijn goet dit ou_gheuen opdraghen afgaen ende vertyen voers_ den voergh_ Godeuaerde euweliken ghestendich ende vast te houden ende in sinen name te doen houden / En_ alle_ voerco_mer van sinen weghen daer in wesende altemael af te doen den seluen / Orconden hebben hier ouer gheweest Scepen in Oesterwijc Ghijsbrecht jacobs zoen ende jan wijtmans zoen die hoer zeghelen in ghetughenisse hier aen hebben ghehanghen jnt jaer ons h_en Dusent Drye + hond_t Tachtentych ende Twee optie (onleesbaar) als + men zinght letare