Corpus Van Reenen-Mulder (CRM14): Oorkonde K685r38501

Wy Scepen ende ghezworne_ der vryheyt van oest_wijc cont maken enen ygheliken dat wy by wille ende _cent der goed_ lude van + der voers_ vryheit ontfanghen hebben ende ontfaen in onser ghemeynte / Een goet den godshuus van postel toe~behorende gheheyte_ tgoet tot Ellaer m_ sijnre toe~behoerte_ gheleghe_ tot spoerdonc alsoe dat die laet die nv opte_ voers_ goede sit oft namaels daer op sitten sal van des voers_ godshuus weghen dese voers_ ghemeynt totte_ voers_ goede en_ niet m_e Erfeliken sal moghen bruken ende besighe_ ghelijc ons onuerseeght van ons ende van onsen nacomelinghen / oec eest vorwaerde in + den voers_ ontfanghe_ dat die laet die nv opte_ voers_ goede sit oft namael sitten sal van des voers_ godshuus weghen alle_ co_en die tot oest_wijc in + der kerken van + der voers_ ghemeynte_ by + den Scepene_ ende ghezworne_ der voers_ vryheyt gheleeght werden by _cent des h_en houden sal ghelijc ons ende onsen nacomelinghe_ daer die gheen die in + den voers_ godshuus van postel nv sijn oft namaels wesen zoelen / en~gheen p˚nten van recht jeghen z˚cken en zoelen Ende weert dat zake dat die laet die nu opte_ voers_ goede sit oft namaels sitten sal van des voers_ godshuus weghen die co_en breke die co_en oft dien co_e soude die laet ghelden ghelijc ons alsoe dicke als hy die breke ende in alder groette dat die co_en in + d_ voers_ vryheyt gheleeght zoelen werden welc co_en oft die te~broken worden by + den laet des ghes_ goets die daer nv op sit oft namaels sitten sal mede vorw_de is in + den ontfanghen / dat hy die broken ghelden sal oft die Scepen ende gezworne_ der voers_ vryheyt die nv sijn oft namaels wesen zoelen die broken by + den h_e zoelen moghen pande_ aen alle_ Beesten die nv opte_ voers_ goede sijn oft namaels daer op wesen zoelen wann_e sy opter voers_ ghemeynte_ comen zoelen / onuerseeght van + den ghenen die nv in + den voers_ godshuus sijn oft namaels wesen zoelen / daer oec en~gheen p˚nten van recht jeghen ghesocht en zoelen werden / oec eest mede vorw_de in + den voers_ ontfanghe_ oft dat zake w_e dat die Scepen ende ghezworne_ der voers_ vryheyt die nv sijn oft namaels wesen zoelen by Rade der goeder lude der voers_ vryheyt Een deel van hore ghemeynte_ namaels vutgheuen oft vercopen wouden / oft anders daer yemant daer in ontfanghen dat die gheen die nv in + den voers_ godshuus sijn oft namaels wesen zoelen / dat niet benemen en zoelen nocht die macht hebben te Benemen alle_ arghelist vutghesceyden / Oec eest vorwaerde in + den voers_ ontfanghen dat + men van + de_ goede ghelden sal Vier penninghe erfchijns ouds in alz˚lken ghelde als daer wy onsen chijns van + d_ ghemeynte_ voert mede betalen moghen / jn welker ghetughenisse soe hebben wy onser ghemeynd_ vryheyt zeghel desen brieue open aen~ghehanghen / Gheg_ jnt jaer ons h_en Dusnet Drye + hondert Tachtentych ende Vyue op sente jans dagh (onleesbaar)