Corpus Van Reenen-Mulder (CRM14): Oorkonde K685r38601

Jan gheheyten die beer zoen wiln_e jans b_en van tylborch heeft ontfaen van wout_en gheheyten loyaert zoen wiln_e jans van + den heesacker / Een stuc lands gheleghen tot beluer in + der @ p_chyen van haren / after den hof wiln_e Elizabetthen van + den rode tusschen der erfenis jan priems optie een zide / ende tusschen der erfenis jans b_en voers_ welc hy jeghen den voers_ wout_en gheeghe_ @ heeft optie ander zide als hy seyde van + den voers_ janne dit voers_ stuc lands in een recht Erfrecht te besitten voer alz˚lc zes pe_ninghe Erfchijns als + men janne stempel jaerlijcs mette_ recht @ daer af gheldende is den welken jan voers_ hier jaerlijcs voer af ghelden sal / Ende voert omme @ enen jaerliken ende enen Erfeliken pacht van Drye lopen rogs alle jaer op onser vrouwe_ dagh @ als + men kersen dreeght van janne voers_ ende van sinen nacomelinghen / wout_en voers_ ende sinen @ nacomelinghen te ghelden / Ende heeft gheloeft wouter voers_ op hem ende op sijn goet dit voers_ stuc @ lands den voergh_ janne te warne_ tot euwighen daghen als + men Erue sculdich is te warne_ voer den @ Chijns ende voer den pacht voersc_ Ende allen and_en voerco_mer ende calangie daer in wesende Altemael af te doen den seluen . Deser vo? hier toe ghedaen / woude jan voers_ dit voers_ stuc lands @ namaels op~gheuen dat sal hy moghen doen met dobbelen pacht anders en saelt hem niet gheoerloeft @ sijn / ende dat heeft jan voers_ weder gheloeft op hem ende op sijn goet wout_en voers_ . . Orconden @ hebben hier ouer gheweest Scepen in oest_wijc / Godeuaert buckinc ende Gherijt hermans zoen @ die hoer zeghelen in ghetughenisse hier aen hebben ghehanghen jnt jaer ons h_en Duse_t drye + hondert @ tachtentych ende zes des woensdaghs na pinxt~dagh .