Corpus Van Reenen-Mulder (CRM14): Oorkonde K685r39201

Wouter gheheyten loyaert zoen wiln_e jans van + den heesacker Drye lopen Rogs jaerlijcs ende Erfelijcs pachts hem toe~behorende die welc hem jan gheheyten die Beer zoen wiln_e jans b_en van tylborch sculdich is te ghelden / alle jaer op onser vrouwen dagh als + men kersen dreeght van Enen stuc lands gheleghen tot beluer in + der p_chyen van haren after den hof wiln_e Elizabetthe_ van + den Rode tusschen der erfenis jan priems optie een zide en_ tussche_ der erfenis jans b_en optie ander zide Ende welc voers_ stuc lands dese voers_ jan die Beer jeghen den voers_ wouteren voer alzulc zes pe_ninghe Erfchijns als + men janne stempel jaerlijcs mette_ recht daer af gheldende is / Ende voer dese voers_ Drye lopen rogs Erfpachts / den voergh_ wout_en en_ sine_ nacomelinghen daer af te ghelden ghecreghen heeft in een Erfrecht te besitte_ ghelijc als dit in Scepen~lett_en van oesterwijc hier op ghemaect volcomeliker begrepen is / heeft hy vercoft in ene_ wittighen cope / Godeuaerde gheheyten poynenborch zoen wiln_e peter poynenborchs / Ende in den name des ghes_ coeps soe heeft dese voers_ vercop_ dese voers_ Drye lopen rogs Erfpachts te~samen metten voers_ Scepene_~lett__en met alle_ hore_ machte_ ende begripe den voergh_ cop_e ouerghegheuen en_ opghedraghen met afgaen ende vertyen als daer toe behoerlijc is / Ende heeft gheloeft wouter vercop_ voers_ op hem ende op sijn goet desen cope dit ouergheuen opdraghen afgaen en_ vertyen voers_ den voergh_ Godeuaerde cop_e euweliker ghestendich ende vast te houden en_ in sine_ name te doen houden Ende alle_ voerco_mer van sinen weghen daer in wesende altemael af + te + doen den seluen Orconden hebben hier ouer gheweest Scepen in Oest_wijc Jan stempel wouters zoen ende willem l?en die hoer zeghelen in ghetughenisse hier aen hebben ghehanghe_ jnt jaer ons h_en dusent drye + hondert tneghentych ende twee des dijnsdaghs na paesch~dagh